早晨

現在報時,家陣係晨早流流5點45分……大家咪以為我瞓唔著痴咗線倒塔咁早寫日記,其實尋晚啪咗幾粒皮膚敏感藥不知幾好瞓,今朝簡直唔想起身

…

其實咁早起身都係為咗做嘢,真係一言難盡,要晨咁做起身做人肉load data的確幾咁低能, 希望下個月唔駛再整啦!凍冰冰要晨早起身都未算慘, 最慘好鬼驚8點前load唔切啲data, 若然有乜閃人真係擔當唔起

…好彩到目前為止都尚算順利,靈靈性性快啲load哂啲嘢就好喇!

晨早死咁多細胞,一陣番工真係要買個豐富嘅早餐慰勞吓自己先得

!由於公司附近得間大家樂同麥當勞,最後都係揀咗大家樂(冇麥記啲嘢咁滯)……不過都係茶餐廳嗰啲早餐好味啲!