大閘蟹宴

本來10月食咗兩次大閘蟹之後今年諗住收山唔食架喇...點知前兩日抵受唔住魔鬼嘅誘惑....結果尋晚約咗啲魔鬼朋友仔又食過...不過今次唔係出去食....係去哂我屋企開餐!! 朋友仔帶埋蟹嚟....啲蟹都好肥美吓架....蟹身有好多膏...不過 掛住食冇影相呀!


齋食蟹緊係唔夠啦....由於時間有啲傖促, 我都唔敢自告奮勇整食物喇 (屋都未執...成枱都係黏土功課...執都有排執)....唯有靠哂外援啦!!朋友仔買蟹之餘重負責買魚生壽司...辛苦哂喇!不過又真係又平又靚。。。超值!!

大製作真係整唔到喇...少少哋幾杯法式焦糖笨蛋都可以準備定嘅....少少哋招乎吓朋友仔都要嘅...可惜唔多識控制支火槍燒燶咗啲!! 下次再整應該會好啲架!!