尋日又放假喇,本來諗住喺屋企攤抖吓,順便扮勤力溫吓書,亞sir 星期一比左d考試貼士, 但係未溫書都唔知佢噏乜! 正當我想拎d note 屎黎睇之際,個電話就響, 原本係亞媽打黎,佢話一陣湊肥師奶同掛骨仔黎玩…..哈!都好比個藉口自己偷吓懶, 乘乘機機唔溫書 ……
3點幾兩隻小魔怪就黎到, 入到屋鞋都未除就叫我陪佢哋玩”狐狸小姐幾多點”,又要陪佢哋玩123紅綠燈,扮老師,玩具火車,泥膠,電腦,連我張床都唔放過,禽哂上我張床到碌嚟碌去, 肥師奶連我床頭隻玩具狗仔都想撻埋tim 呀!佢地除左食就係玩,真係精力充沛! 玩到10點幾先走, 我散哂咁滯!
沒有留言:
發佈留言