小青蛙生日會

尋日約咗搣匙佢哋一齊開飯賀一賀小青蛙牛一.....原來搣匙冇提過我會出席呀...而我咁啱都冇同小青蛙講過....hehe...我無啦啦變咗神秘賀賓! 點知...最後都係比小青蛙拆穿我呢...好叻咩...哼...食嘢唔采你呀....話人哋戲屎....

我哋今次去咗新聲開飯呀.....我哋7個人叫咗個6人套餐....

搣匙重玩派餅添...多謝哂呀....

yeah....今年第一餐大閘蟹...一人一隻(不過有啲蒸得唔熟要再整過囉...駛唔駛貢趕呀....唔熟都拎出嚟...)...亞比重好好心機幫得將隻蟹煎皮拆骨...真係唔該哂!!....yeah......連啲彊茶都好好飲! yummy!!!

個套餐重有其他餸架....樣樣都好味....有雞..羊腩煲..大閘蟹炒年糕..正菜一碟.

個生炒糯米飯真係好得...重有個蟹肉羹...重有甜品紅豆沙....

主角出場喇....亞比比晨早訂咗個小青蛙蛋糕送比小青蛙...而小青蛙又整咗個法式焦糖燉蛋芝士蛋糕...woowowo...真係好豐富呢...超滿足呀....