又到咗旅程嘅第3日....一早起身又係食早餐嘅時候...oh...一個二個見到啲爛早餐真係O哂咀....個個都話唔想食...不過....事實又再一次証明亞祖擁有一個垃圾口...點爛都難唔到我呢! 一於食食食...kakakaka......
食飽飽又出發喇....我哋今日終於有師機叔叔接送喇...架車重好大好新淨!!由於小青蛙佢哋好想買茶葉所以就問師機叔叔介紹吓啦...典知...師機叔叔唔知頭唔知路咁介紹咗間謀人寺過我哋...我哋當然係冇幫趁啦! 之後轉戰另一個地方買手信...重買咗唔少黑糖送禮自奉添...正!
之後師機叔叔車咗我哋去食lunch...呢個地方幾地道喎...食物都唔錯...重有我至愛嘅醉雞......
食飽又繼續行程喇....我哋今日要上山吹吹風呀...先到清境....嘅7仔停一停先....(由於我哋夜晚要喺上山渡過一晚...而我呢呢班cheap精又唔想食山上嗰間又貴又唔好食嘅餐廳唯有買定啲乾糧拎上山食啦!!).....話時話原來7仔唔只喺香港係無處不在....連台灣都係咁架...荒山野嶺都有好多7仔...所以我哋每日行程都會去7仔遊一遊....重次次都有幫趁架....所以呢個團叫"7仔團"係絕對有奶油架....堅!
去完7仔買糧食又繼續坐車上山....越上越凍...嘩....真係有雪呀....堅凍!!
其實都有唔少人特登揸車上山睇雪景架...而且重興砌啲雪人喺車頭....個雪人好得意呀...我哋又學人砌吓先...嗯....加多少少幻想力嚟睇...都有啲似一個帶咗黑超嘅八瓜魚架...hahaha........
周圍啲山都有雪架......
睇完雪師機叔叔就車我哋去爛旅館喇....呢度叫"福壽山"(成日覺得佢個名好似寶福山啲friend囉....)...我哋住嘅地方真係超爛呢!外面已經好有鐵皮屋feel...入面啲嘢又舊又殘...最頂癮係個熱水爐....要等佢煲水...重吓吓等佢廿幾三十分鐘....都係吹到啤一聲!! 最後...大家都頂佢唔蒲要轉酒店啦!
其實成個山頭都有唔少酒店/旅館....之但係間間都好樣過我哋卜嗰間喎...典先! 最後我哋轉投咗下面呢間....揀直係天堂同地獄嘅分別呀!
cheap cheap嘅我哋安頓之後就準備晚餐喇....haha...其實我哋cheap得嚟都幾豐富架!!
其實除咗杯麵之外...我哋早一晚己經喺夜市買定一大兜滷水喇.....朋友仔重用啲熱水坐熱番佢...不過....食完餐飯嘅第二朝....我就無啦啦加入咗"生化兵團"喇...皆因我晨早流流就痾咗4次...而呢兜滷水就係疑犯之一!!
沒有留言:
發佈留言