日本新春冰極之旅 - day 3

今日確係好充實....刺激緊張再加少少百痴再加少少又濕又凍再食咗餐豪豪哋嘅晚餐咁啦....好忙...好攰呀!

事原係咁嘅...今朝瞓瞓吓聽到有類似鬧鐘嘅物體响...望吓個鐘....咿....搭半喇...為免遲到咪即刻彈起身梳洗囉...我洗完個頭諗住吹頭之際....大家姐就話...."你係咪睇錯鐘呀"...吓唔係fa...睇真啲...頂乜係6:30 唔係7:30咩....頂!重連個頭都洗埋....乜個電話冇厘頭响呀...玩嘢咩...唉!鬼叫自己瞓唔醒咩....唯有死死氣吹完個頭再瞓啦....勁白痴.

磨到終於夠鐘...點知再大家姐hea多幾hea....結果都係遲到...好彩排骨仔比我哋更遲啫...成日遲到唔多好意思嘛! 集齊人馬又開始今日行程...首先去咗三鷹博物館....好多人吓....而且今朝重好凍吓...有少少雪添.....肥師奶第一次見到雪呀....勁開心呀.....由於間博物館唔比影相....hea咗2粒鐘就閃喇...若然有得影相都唔知hea到幾點呀...睇完博物館....之後就搭巴士去咗吉祥寺站開飯...食咗個好好味嘅炸猪扒...好得!

lee度就係三鷹博物館喇...隻龍猫好kawaii呀.......

嚟到當然係要影吓lee隻天空之城嘅守護神啦.........

亦都唔少得一隻糉啦....真係好凍吖嘛.........

又係lunch喇.....好好味呀呢塊扒.......

重有炸蝦添....都係好得...............哈哈,乜都話好味.....

食飽又趕第二埸....去hello kitty land.....嘩!好似越嚟越凍添....我哋啱啱4點鐘去到...入場費平啲.....正!...不過...其實hello mimi land lee家嘢都係啱細路多啲....我都係陪兩隻小魔怪玩...佢哋又玩得鬼咁開心! 玩完諗住閃之際....嘩....頂.....又落雪呀...重好大雪吓....好驚跣屎呀....攪到行嗰條路仔好刺激緊張.....啲雪又不停咁落...行吓行吓成件褸都濕哂...好堅呀....

hello mimi land呀...去到嘅時候天氣都冇乜特別.....

點知一出嚟就落大雪呀......好堅呀....

好彩最後都安全到步齊齊去開飯....不過嗰陣已經係夜晚十點鐘喇....今餐確係豪豪哋呀...去咗食蟹....記得幾年前食過都覺得好正....今次又可以番啅....好正呀...食吓食吓又參唔多12點....又要趕火車番酒店....嘩!今日真係行程緊密呀....

終於有飯食....lee餐係最豪嘅一餐呀.....