我今日做咗一個創舉...喺我印象之中真係前所未有.....就係一日三餐(早午晚)都係食包同埋包
.....事原係咁嘅....今朝一早起身覺得餓餓哋, 所以一改一日一蘋果做早餐嘅習慣,喺公司附近間美心麵包買咗個叉燒餐包食......到咗lunch嘅時候....由於我要去銀行辦啲私務之但係又唔知要攪幾耐, 所以我咪一條冷去完bank先再自己搵嘢食囉...終於一點幾先攪掂哂啲嘢可以去開餐...之但係得番四五個字,時間有啲緊迫咁
....咁啱經過Mos Burger又難得冇乜人排隊,所以就閃咗入去食....
我今次試咗個海鮮rice burger,又幾好味喎,有啲黑椒汁幾惹味
...個沙律本來好普通,不過加咗啲日式沙律汁又唔錯喎...反而杯綠茶鮮奶好似寡咗啲!
lee三樣嘢成$47蚊...好貴....論質數確係比麥記好啲, 之但係值唔值lee個價錢又真係見仁見智!
到咗夜晚約咗骨妹去又一城睇"戲王之王"(九點半),我放咗工辦完私務(哈哈,我今日又真係好多私務要辦)去到又一城都參唔多九點....又係得番幾個字食嘢咋....唔駛諗...梗係去麥記啦.....今次食咗個"雙層魚仔包"
! 
沒有留言:
發佈留言