忙足一日

尋日係肥師奶嘅幼稚園畢業禮, 所以我請咗日假去觀禮

.....去到先知原來lee個係聯校畢業禮(總共有三間幼稚園), 怪唔知得咁鬼多人啦, 重攪要去沙田大會堂攪...堅!

由於係聯校畢業禮嘅關係, 每間學校嘅小朋友都group埋一齊上台合照, 我哋又係山頂嘅觀眾....嘩~眼力差啲都睇唔到肥師奶喺邊呀...

恐怖大家都認唔出邊個係肥師奶喇...不過我就知啦!

肥師奶比老師分派咗去歌詠團,冇得扮鬼扮馬同周圍跳添....

其實啲表演節目不外乎搵啲小朋友唱歌跳舞,不過啲小朋友又確係幾可愛嘅...

畢業禮完咗我哋就飛的去咗麗豪酒店食buffet....個畢業禮攪到成點鐘先完,個buffet至到兩點半...確係有啲趕....有冇發覺肥師奶靚咗呢...佢化咗淡妝架

麻麻都好靚架...著咗條靚裙仔....

食完buffet就再同二家姐

、肥師奶去探亞媽.....探完都4點幾喇, 之後又搭馬鐵再轉火車去新世紀睇"醜女大翻身"(lee個要嗚謝老趙比咗張贈卷嚟

)....初初以為套戲做粒零鐘啫,點知做咗足足兩粒鐘...七點先散場....死火...約咗啲朋友仔7點半喺尖沙咀食飯, 之前重口响响話去罷位都得....又唔知book咗嗰間飯店會唔會超多人遲到唔比位我....真係趕餐死! 不過去到間飯店先發覺其實又唔係咁多人.....早知唔咁趕啦!

終於餐飯由7點半食到11點...足足三粒半鐘....重以為自己食梗法國大餐添....不過難得可以齊人, 食耐啲都值得嘅 (話時話lee餐好似係今年最齊人嘅一餐), 不過.....其實最重要嘅係無啦啦多咗兩條茂利夾份比錢確係好好多! 關生關太下次要早啲到架....