OUT爆西餐班(六)

其實個西餐班已經上完喇...家陣先寫到第六堂咋...寫卜嘅速度真係可以用"龜速"嚟形容呀...是但啦...遲到好過冇到嘛!

今餐勁呀有前菜喎....呢三碗嘢擺到好似拜山咁真係采!采!采!...不過又幾好味喎...查實喺Ruby Tuesday都食過架...可以用粟米片嚟點啲醬架...

食完前菜就飲番個湯先啦....忌廉蘑菇湯...考多菇菇呀!

當然要煲煲佢先飲得啦…

煲好再要拎去攪伴機攪爛啲菇菇...

當然好飲過罐頭嗰啲啦...起碼啲菇都多啲!正....

跟住就到主菜喇...呢個菜都幾特別架...真係未乜食過....你估呢啲好卜卜嘅嘢係乜嚟? 你哋一定估佢係蕃茄啦...其實佢係紅色嘅登籠椒嚟架...燒完再剝咗個皮就變成拱喇...........

重要預備定一埋龍利柳.....

將啲龍利柳同登籠椒攪爛.....攪到好似啲糊仔咁.....

再將啲糊仔"...用龍利柳包住...魚中又有魚...好似紙包雞包紙..麥兜一樣....

之後再拎去蒸...家陣先知西餐都有嘢"蒸"....勁!

蒸完再整色整水就上得碟喇....

不過呢...呢個餸好登龍椒味....揀飲擇食嘅小魔怪就唔多like喇...我呢啲乜都擺落口嘅當然覺得ok啦!