首爾豉油行~Day 1

好耐冇同大家姐去旅行喇....難得今次約啱時間一於GOGOGO啦....由於時間關係我事前已經做哂功課PLAN好哂行程, 話時話次次同FRIEND去旅行我都係做團友架咋...搵我呢個方向白痴做"領隊"真係滴哂汗!! 由於家姐佢哋想番香港過年, 所以我哋就年廿六出發年三十番, 不過來回都係搭下晝機實質得留3日玩...真係有啲唔夠喉呀!!

今次我哋搭大韓航空, 之前AGENT已經幫我卜定兒童餐架喇..之但係...我明明話要漢堡包..最近比咗塊PIZZA嚟...吹啤.....搭咗3粒鐘機就到仁川機場喇....

 

 到酒店已經係7點幾喇....好在今次住明洞食嘢好方便落街已經好多嘢食喇....由於初到貴境大家都唔敢食得太激, 第一餐就清清哋食吓餃子同拉麵先...啲餃子皮薄餡靚真係唔錯!!

食完就行吓街SHOPPING, 一邊買MASK一邊掃一掃街.....好飽哦!