堔圳黑仔之旅 - Day 1

今個復活假..約咗個朋友仔去堔圳玩咗兩日, 正所謂一世人點都要豪一次, 所以今次就豪擲千幾銀book咗間Sheraton住....話時話...我都係第一次住得咁豪咋....當然....我都想係因為自己發咗先咁豪....不過好明顯唔係啦....若然唔係公司有得claim.....我又真係未必會咁豪呀.....

由於間酒店喺大梅沙, 所以今次就去咗九龍塘搭巴士去沙頭角再轉車直去酒店....不過....黑仔嘅我哋喺九龍塘等呀等...終於等咗成粒鐘先有車...去到大梅沙都兩點幾喇....

嘩....果然係大酒店....一入門口都覺得好威喇....

間房當然係好正呀...有一個非常open嘅廁所....

床兩張.........

大電視一部........

重有梳妝枱...難得唔係對住張床.....

間房冇乜特別? 嗯....又好似係喎.....不過...一打開窗...你就發覺有大大個海擺喺你面前........好正呀..........

由於時間關係....參觀完間房就去咗食lunch.....飲飲茶.....

食飽又繼續參觀酒店入面嘅設施....啲裝修又確係幾靚架.....

除咗有個大沙灘之外, 重有幾個泳池架.....

行完酒店又出咗去附近hea.....又係有一個大沙灘.....重無啦啦有幾個非常騎呢嘅"藝術品"....真係......型囉!

hea完一大輪又到咗食飯時間........

有好好味嘅燒乳鴿......

好奇怪嘅海哲....出面有啲黑色一點好似生嘢咁.....都係好爽...之但係太辣食唔哂啦!!

鐵板吊桶...都幾好味......

雜菜煲...有啲唔知乜菜喺度...都唔錯......

喺我哋食食吓之際....八到隔離枱又無啦啦有另一張寫住啲特價餸嘅紙.....原來之前個waiter冇比我哋睇呀...嘩!真係好平....終於....已經食到飽飽哋嘅我哋....梗係再叫啦......

扇貝一蚊一粒咋...不過....係細粒咗啲囉...不過一蚊粒都抵嘅.....

4蚊一隻蠔....一分錢一分貨...."4蚊蠔"確係肥美啲囉....