法式焦糖笨蛋

聖誕節前二家姐話除夕集齊人碼去佢屋企倒數....講得興起我就開咗張空頭支票話整法式焦糖笨蛋同綠茶紅豆卷比大家食助助興!!

難得佢哋唔怕痾....一於試吓整啦!!由於時間關係30號晚先整定個法式焦糖笨蛋先....其實上次上完齋睇堂都已經唔記得哂點整喇.....原來真係好容易架咋....我重特別去買咗兩支呍呢拿整架!! haha....講個秘密你知吖...由於懶嘅關係....唔用焗爐喇....用鑊蒸算啦!! 冇分別架!!


蒸廿分鐘就OK喇....重好滑添呀!

不過冇火槍, 要整焦糖就真係有啲麻煩喇....試咗兩個方法....似乎灑啲糖上面再用焗爐焗個效果好過就咁煮啲焦糖隊上去!!


至於食後感嘛....肥師奶同排骨仔佢哋好喜歡呀!! 而且甜度啱啱好....唔會太漏, 簡單又好味....下次再整比佢哋食先!!