我的第一桶...."米"

haha....好娘...通常啲人發咗都會share吓啲發跡史.....點賺第一桶金....嗯....貧窮嘅亞祖當然係金都冇一粒啦.....唯有分享吓我嘅第一桶"米"啦....

其實搬咗兩年幾都冇買過米...前幾日同事may姐先提我不如買包米過年(老嚟啲喎haha)....查實次次想食住家飯都係去啲家姐屋企黐餐咋....長此落去都唔係辦法...小小哋買一小包米旁身啦....重買咗個小小"米缸"...yeah剛剛好注滿咗...真係"常滿"喇!!


除咗米之外....頭先重買咗油...豉油同蠔油.....屋企嗰堆嘢已經過哂期呢!!好耐冇正正經經煮過飯喇!! (其實平時都有煮架...不過都係粉..麵..湯居多)....簡簡單單整個蠔油冬菇炆雞翼...

炒咗碟我至like嘅蒜蓉炒豆苗...

開飯喇....嗯....成餐飯食淨兩注豆苗....好大食哦!!2012年又多咗個願望喇....希望今年可以K.O.咗呢包米唔好嘥嘢!!