Lee排生咗兩粒大痱滋, 攪咗好耐都冇乜好轉, 重越嚟越大粒添, 真係痛不欲生呀…攪到連嘢都唔想講,真係一開口就痛…今日番工真係講唔夠十句嘢…我諗今日同關太食lunch講嘅嘢已經係全日最多架喇! 就算夾硬講嘢都講到好似黐利筋咁樣…話說下晝有個同事打比我問點入data….我咪話“嗰兩個field係「黐」埋一齊入架”……由於講到一舊舊嘅關係,個同事聽得唔多清楚重猛問“乜「斯」埋話?
…唉! 佢聽唔明又要解釋多兩句添,真激死!
”
最慘係連嘢都食唔到吖嘛, lee幾日唔係通粉就係湯飯…..真係想死! 今日終於忍唔住買咗支 “吻百蜜” 再加支溂口水添…嘩!支“吻百蜜”果然係勁貴成舊水…莫非真係仙丹嚟!
好D未呀 ? 其實灑D鹽仲有效...不過好"拿" 提議食生日飯如下,食過不錯 地址: 尖沙咀漆咸道29-31號溫莎大廈(赫德道入) 電話: 2366-2494 菜式: 北京菜 http://www.openrice.com/big5/sr2.htm?shopid=3436
回覆刪除嘩!真係唔該哂,效率好快喎,等我問吓佢哋先....BTW 啲" 吻百蜜"好似得得哋喎 ,加上lee幾日都幾夠瞓, 啲痱 滋好得七七八八喇 .......
回覆刪除