常平之旅

今個星期六、日同咗二家姐一家人同排骨仔麻麻去咗常平玩, 查實我哋係諗住視察吓環境,好玩嘅話暑假可以再去過

!

我哋尋日12點幾就搭巴士去黃崗再轉車去常平,全程都係六十幾蚊咋,幾抵! 唔知常平係咪同香港好近呢,又估唔到2點粒鬆啲就到,都算快...我哋去到就梗係坐低食吓嘢先啦....食飽飽就之後就去間渡假屋視察吓...

個屋苑雖則唔係好大,不過環境都唔錯架...若果啲屋唔係咁密同埋少啲車會更好!

重有個泳池添,都好乾淨企理架....肥師奶同排骨仔一去到就游咗轉水喇....

間屋都幾大架,夠哂我哋住...

喺個門口影張相留念先....周圍都種咗好多芒果樹架....麻麻重偷偷哋摘咗個比肥師奶添....

睇佢哋個傻樣,就知有幾好玩喇.......

今日lunch就係喺度食架喇,又估唔到啲嘢特別得嚟又幾好食喎,好似咸湯圓

、燒雞、欖角排骨、鐵板珍珠蠔、淮鹽猪肚、炒麵同埋唔知乜嘢豆腐....樣樣都好有水準!