心靈相通

前兩日約咗大家姐開飯佢買咗幾件衫比我(即係右手邊嗰件, 其實大家姐都有時會買一啲佢鐘意又覺得啱我嘅衫比我架)....不過發覺其中一件同我之前(都唔記得係幾時買lu

)買嘅一件衫有九成似! 無論質料

、款式同顏色都係一樣咁滯,大家姐真係知我心意...都好舊嗰件比我著到殘殘哋可以換件新嘅!

其實類似嘅撞衫事件耐唔屎都會發生...好似下面lee兩件衫...一件係我買另一件係大家姐買架, 係咪都好似樣呢! 不過買衫lee家嘢大家姐又確實比我精明啲...唔知點解同一款嘢佢都可以買得平啲!

不過凡事都有例外, 好似前兩日食飯嘅時候我發現咗原來我同大家姐買咗同一款錶...(淨係錶面個唔同色咋...勁邪!...)...之但係我去咗間cheap cheap 錶行買,平咗參唔多三舊水呀....哈哈!呢個回合我嬴!