平安夜07

今日又係平安夜...下晝又係喺公司開party....又係交換禮物...又係聽聖詩....又係玩抽獎....雖則冇乜新意....但係仍然係玩得咁開心!

都係一人帶一份禮物去交換...明顯哋...大家買嘅嘢越嚟越實際....今年又確係冇乜唔等駛嘢出現喎.....冇法啦年紀大嘛!

都係食嗰啲嘢囉...壽司小食意粉咁啦...

食嘢之前玩吓影相先....

一路食一路玩交換禮物...偉信抽到我買嗰份禮物...係"針"板嚟架...估唔到偉信話啱駛喎....住家男人係唔同啲"針"板lee家嘢都啱...哈哈!

輪到我喇...抽到monkey嗰份禮物....

就係lee套杯喇...

重有班特別嘉賓唱聖詩肋興添.....

最後當然係抽獎時間啦....又係用畫鬼腳決一死戰....結果咪係咁囉...戰況好激烈架....好彩我都抽到2舊水sogo coupon, 5獎嚟架...算係咁啦

好明顯今日係無心工作架啦....到咗4點就鬆人....夜晚就約咗個朋友仔睇"頭皮撞"....睇9:50分呀....睇戲之前梗係食吓嘢先啦!我哋去咗稻香打邊爐呀...大食嘅我哋叫咗碟拼盤...嘩!好豐富...睇到都開心呀!

叫咗個猪骨湯底.....啲濕米好好食呀....

大食嘅我哋參唔多掃哂啲嘢...好堅呀!