團跑@數碼港

星期二又同咗啲跑友一齊去夜跑, 嘩!今次陣容好鼎盛參唔多30人去呢! 不過人多又會難控制, 最後玩失散, 我就同咗幾位跑友一齊跑, 有啲就盪失路跑多幾K, 不過最後都可以喺原位見番哂所有跑友! 重齊齊去開飯...又有跑友帶酒嚟...今次係呢期好興嘅"響"(威士忌), 我都係第一次試咋....最後隊咗一大杯啤酒再加小小"響", 真係爭啲醉呀...其他人個個都面不改容(目測應該個個都有飲架),原來啲跑友係咁飲得, 又跑得又飲得....堅!