生日趴地

新屋都執得七七八八喇, 加上呢期係ME姐生日, 家姐幫佢攪咗個小型生日PARTY, 我當然要幫手整少少嘢食啦, 又係班蘭蛋糕(ME姐落ORDER架),之前買咗10蚊班蘭驚用唔哂, 點知....一星期內足足整咗4次班蘭蛋糕嚟還債(跑友, 同事, 屋企人)...估唔到居然一個星期都唔駛就用哂啲班蘭葉, 好堅! 整都整到怕(我至怕不斷咁做同一樣嘢....感覺好似機械人呢!)

 

星期日輪到二家姐一家嚟PARTY, 今次終於可以轉轉款式, 整個簡單嘅牛油蛋糕! 終於有少少新意喇...呵呵!