記得今年年初皮膚敏感得好厲害, 重以為係濕疹幸好最後只係普通皮膚敏感, 食咗幾日藥就好番! 上個月皮膚敏感又嚟過...不過今次比較特別, 以往皮膚敏感都係好痕好痕, 不過今次又唔係好痕, 不過皮膚就出現一小撻一小撻咁甩皮....甩完又好, 好完又甩, 本只係出現係頸部, 後來身手同腳都有, 數目唔算多(頸比較多之外)...見佢唔對路都係睇吓大夫...頂, 唔睇由自可, 睇完真係有啲DOWN呢, 原來係濕疹, 應該係對新屋嘅甲醛敏感呢! 唉......幸好唔算嚴重, 係條頸特別痕, 其他地方唔覺痕啫! 不過由於啲濕疹大部份都係出喺啲出汗嘅位置, 大夫下令叫我停跑兩星期呢!
咁啱夜晚約咗跑友跑步添, 唯有爽約, 雖然冇跑, 不過跑友仔都tag埋我...因為我整咗啲小蛋糕拎去比佢哋食呢! HAHA.....蛋糕仔與跑友們同在!
沒有留言:
發佈留言