星期六約咗跑友去整＂梨撻＂,難得ABC Cooking Studio 有promte $280一堂咋....乜話$280好貴? 唔貴喇...其實就算去學啲團購course都3舊水喇....最平嘅工聯會都要參唔多兩舊水喇! 咁究竟ABC Cooking Studio有乜咁吸引, 其實呢間嘢係由日本引進嚟架, 佢聲稱所有用料來自日本, 而且小班教學(4人一組成本確係貴好多), 最緊要嘅係...跟佢整嘅製成品真係堅靚呢! (當然都好味啦!) ....
其實講嚟講去咪又係好奇心, 想去試咗好耐, 無奈正價太貴($4XX)一堂起碼要JOIN6堂...真係要千千聲先上到堂架, 咁你話$280係咪好抵呢! 今次整嘅係梨撻, 都唔太難喎, 味道唔錯, 樣都幾靚仔, 可能番屋企再整過!
沒有留言:
發佈留言