自由行

今日係排骨仔9歲生日,咁啱排骨仔間學校無啦啦有日假期,所以二家姐就提意帶佢同肥師奶去搭"NGONG PING衫碌拎", 排骨仔重叫我請日假陪佢玩添....橫掂我都想放吓,就請日假陪佢玩啦

! 點知二家姐前幾日話我知排骨仔個爺爺同麻麻都會去呀...嗰刻我真係有啲想縮沙....不過應承咗就算啦!最多都係戇居一日啫.....不過查實今日都算幾好玩.....

我哋10點幾就去到東涌站搭360喇,排骨仔梗係開心到震啦!

搭咗二十分鐘覽車之後就到咗昂平市集喇,今日天氣咁熱兩隻小魔怪即刻整番杯雪糕食吓先!

除咗食雪糕之外,重帶埋帽同太陽鏡....幾型!

由於個市集好似冇乜嘢好行, 啲店舖又好似冇乜特別咁....都係得番啲7-11

、滿就、盞記燕窩、優之良品、.....我哋hea咗陣就去咗行大彿同食齋喇...

麻麻重買咗兩個風車比排骨仔同肥師奶添....啲風車好colorful呀...

回程嘅時候又再行經市集, 見到個公仔嘅頭形同肥師奶嘅個頭好夾呀...都係圓碌碌架....

夜晚又去咗青衣城食飯興祝排骨生嘅快樂生辰.....