感恩

前幾日媽媽(我老細)同我做咗mid year review,不過我祗係哋用咗20分鐘傾工作上嘅嘢, 反而用咗半粒鐘閒話家常

!其實佢都係想關心吓我亞媽嘅近況同吹吓水咁啦....

講開我亞媽,媽媽又有感而發咁話:

「隔離department有個同事都病咗,好彩佢老細好好可以比佢放長假重照比人工.....所以我都覺得真係要"感恩"(媽媽係教徒嚟架)....」嘩!無啦啦講句"感恩",我都唔知駛唔駛講番句"亞孟"或者"感謝主"嚟配合你.....

雖則我冇任何宗教信仰唔多識"感恩",不過我又確實要同媽媽講句"多謝"!難得媽媽深明大義,lee 排我又真係非常之準時放工佢都冇詐型,重話盡量唔比太多嘢我做,又叫我陪多啲亞媽....真係多謝哂呀媽媽,第二時有需要嘅話我會"義犬報恩"架!