年紀大....

前晚Fanny打比我,一嚟就問"聽日你ok架可...",我心諗"乜我約咗你咩"

.....死火真係一啲印象都冇,好彩我應該ok,所以就一口答應咗佢!不過後尾醒起佢之前send過sms比我,再check番個sms,佢又真係寫住1月6號出嚟開飯....睇嚟我嘅老人痴呆症又嚴重咗!

就係咁我哋5條茂利去咗富臨打邊爐,唔知做乜個個好似啱啱放出嚟咁食7咁食,估唔到幾個女子都可以咁有食力!10點幾食飽之後亞霞又提議去唱k,話時話我哋幾個又真係未試過一齊去唱k....於是我哋就去咗green box....原來同佢哋唱k要爭咪先得架!

不過家陣唱k又幾抵喎88蚊可以由11點唱到5點,免nuts免果盤,有自助飲品(當然都係啲普通飲品啦!),夜晚一點至三點重有宵夜buffet都係粥

、糖水、炒麵嗰啲(我哋打完個邊爐都一人隊咗碗粥!)....初初大家重諗住玩夜啲,點知亞心唱咗兩唱已經率先瞓咗,兩點唔夠慧慧又話要走....查實我都覺得有啲頭痛(今日都重痛梗),我哋點幾鐘就閃lu....唉!真係年紀大呀,我哋lee啲老嘢真係完全唔捱得夜.....