死懶鬼

都話年紀大架啦,尋晚同完啲朋友仔燒完嘢食今日就好似散咗咁!勁攰呀

....不過今日10點幾都爬咗起身同咗大家姐,大力同亞媽去飯茶 (本來諗住約lunch時間去飯茶,後尾攪攪吓變咗飲下午茶!)...攪到4點幾先閃!之後去咗沙田hea咗陣諗住番屋企攤屍....

之但係一番到屋企就見到成堆衫未熨,重有堆污遭衫未洗,個地又唔多乾淨咁

!!見到咁嘅款又頂唔順攪攪佢...不過攪哂啲嘢又參唔多晚飯時間...又唔想落街食,頭皮整咗個咖哩烏東食就算,估唔到又幾好食!

食飽飽沖埋個涼諗住抖吓啦,殊不知又諗起之前師奶仔提我claim番持續進修基金（上年讀咗個logistic course)...又要搵番啲資料出嚟，嘩！搵番成年前嘅嘢真係有啲難度....好彩最後都搵得番啲嘢啫！搵完又想上吓網check吓mail update吓 Blog

...本來諗住攤屍嘅一日最後都係忙個不停！