牛藏@iSquare

究竟亞祖除咗"食"之外重識得做啲乜呢?! 又真係好似冇乜嘢識做......所以都係講番我唯一識嘅嘢會好啲........

話說呢期有個朋友仔番工番到屎咁滯...於是乎尋晚就搵埋亞祖出嚟食吓飯開心吓...話時話呢排亞祖番工都番到好鬼無隱(其實幾時"有隱"過呢?!)....比啲user煩都煩屎....真係要食餐好嘅慰勞吓自己....今次我哋就去咗iSquare嘅牛藏豪一豪佢!

我哋叫咗個二人set吔....先嚟一個蟹籽沙律先啦....

再嚟兩隻肥美嘅牡丹蝦.....

呢幾粒其實係我啲同類"番薯"嚟架....佢嘅真正學名係"日本金匙番薯"....至於我嘛...我諗我嘅品種應該係"香港熊貓番薯"....

主角出場喇....真係好好味架....我同朋友仔都覺得中間嗰隻最好味.....下次可唔可以比多兩塊嚟呀?!

重有呢個"蛤味噌湯"...有隻蚌精喺啲湯度架....唔錯!

食埋呢個溫泉玉子鰻魚飯就飽哂喇!隻蛋又確係幾鬼滑架喎!!

再隊埋呢個芝麻雪糕~好滿足呀......yeah!!!