渣打馬拉松2012

唔覺唔覺...每個星期跑步嘅習慣已經有兩年喇....今年好想試吓跑馬拉松(十公里咋).....點知上網報嗰陣佢個網又死死哋報唔到...最後把心一橫寄報名表去試試....點知成個月都冇消息....本來以為報唔到架喇....點知12月頭有關方面又打比我話有位....不過要跑7:30 (我本來報跑8點)....早半個鐘當然冇問題啦....最後卜鎚一於試吓跑啦!!

雖則話跑7:30...不過若然要寄存行李又再行去起跑應該要啲時間...計計吓5點都未夠就要起身!!一諗起貢早起身攪到瞓唔到添...成晚眼光光....算罷啦....5點字夠就起身喇!! 由於今日天氣唔凍唔駛著厚外套, 冇嘢要寄存所以輕輕鬆鬆唔駛咁趕啦.....兩手fing fing去跑步爽呀!! 嘩...去到天后已經勁多人.....


今次跑東區走廊(來回一轉)....初時都有啲擔心唔識路...不過去到見到成村人就定哂喇....一於跟大圍行啦!! 好似百萬行咁行去等跑....話時話典解個"熱身區"要喺成堆廁所隔壁嘅?!


行吓hea吓終於到等侯區喇...由於早咗少少到....等咗半粒鐘先開始跑呢....不過大家情緒都好高漲....等都唔覺得悶!! yeah...終於起跑喇....條路比想像中好跑...而且今日天氣真係唔錯.....跑得好舒服....不過掛住跑中途冇影相呢!! 當跑到4公里嘅時侯見到有個哥仔隻腳好似受咗傷比救護人員抬走咗....都要提醒自己要小心啲呢!! 好快又跑到9公里喇....wooowwooo...目標在望.....沿途又見到個視障人仕喺領航員嘅帶領之下努力向目標進發....沿途嘅跑手邊跑邊同呢位視障人仕打氣呢..."加油加油!!" ....令人感動嘅畫面好難忘哦!!

終於用咗1小鐘十分跑畢完程...真係"跑"足全程架....呢個成績對我嚟講算係咁啦....跑完去麥就食個靚早餐獎勵吓自己先...之後就番歸瞓過喇!!