降頭拮拮仔@菠蘿雞

尋日又去玩咗小手作....都係團購嘢..haha...!! 幾十蚊去見識吓都唔錯呀(除咗見識吓未玩過嘅小手作之外...重可以見識吓啲未去過嘅地方呀....事關次次都要搵餐死先搵到個地步....今次以為佐敦易搵喇...點知都搵咗好耐先搵到!!) 不過呢度嘅裝潢都算唔錯哦!! 

呢度主打係布藝手作....地方唔算大....不過都陳列咗好多種類嘅布藝作品.....


貢今次我又去玩乜呢?! 就係....羊毛氈喇!! ....羊毛氈?!去整張羊毛氈出嚟嗎? 非也!! "氈"者...即係將啲羊毛拮到"氈"化(亦即係拮到佢實實淨淨...繼而可以整啲公仔出嚟)...你睇...啲羊毛係咪好colorful呢? 試玩就有呢樣好處....材料已經提供好哂....唔駛煩!!

其實啲工具都好簡單....除咗羊毛就係一支支嘅針同呢啲(類似海綿嘅塾)....嗯...整乜好呢....得一粒鐘咋喎!

好...就簡簡單單整個蛋糕啦!! HEHE...其實導師話為咗初學容易啲整....所以....個蛋糕入面塞咗舊海綿架...可以拮少啲嘛...KAKAKA! 不過...話時話...好欣賞導師悉心教學嘅態度....去咗幾個團購...大部份都係教得麻麻....頭頭皮皮整完就算...冇乜follow up....反之...尋日位靚姐姐真係幾有心機教....臨走我都買咗pack試玩裝番屋企玩以作支持!  (而且呢度嘅價錢比出面平呢!!)