我心目中的男神

呢個TALK SHOW真係期待已久, 上網買咗3粒鐘先買到嘅飛真係好難忘! 尋晚終於等到喇...男神即係男神....不負眾望呢....係呀...尋晚男神講占中講到有點激動, 最後要倒抽3口涼氣先可以繼續! 就連佢自己都唔多明點解會咁激動呢, 呢啲就係有血有肉嘅真我個性, 超LIKE!

坦白講,我都一樣...唔明點解自己可以咁上腦, 其實我聽到身邊好多反對嘅聲音呢(有同事有家人), 不過....我都仍然支持你哋....有時間就想嚟見到大家平安就安心, 起初都係放假先去支持,家陣變到放工、放學經過都去企陣....上腦似的我都唔明點解(可能政府嘅處理手法令人太失望啦!!)....今日喺屋企執完行李,練完跑步...其實都已經頗攰....仍然好想嚟支持一吓....聽日出發去玩, 6日之後先番(6日後又唔知會係點).....所以今晚好想嚟支持支持呢! 星期六晚嘅金鐘真係超多人.....