奧斯卡之夜

今晚又係一年一度嘅annual dinner....近兩年都係星期六改咗喺星期六攪....又學人攪埋啲什麼什麼主題咁.....今年嘅主題係"奧斯卡之夜"...想攪到衣香檳影咁...不過...cheap精嘅我都係著到爛身爛世咁囉...最衰過番工...呵呵!!其實都係志在去參與吓食餐飯啫.....而且下晝又約咗啲傻瓜同樹去唱k...唔通著套晚裝去唱k咩...算罷啦!

今次又係喺會展攪....開始前又係有啲攤位遊戲玩吓....啲遊戲勁無聊呀....幸運輪...比係轉n咁多次轉到有禮物為止...問係死未!

拋中啲公仔又有獎...又係可以拋n次....無他嘅...冇乜人玩吖嘛....

又係玩跳豔舞開場...好冇新意呀....

今次終於冇再搵埋啲二打六歌手唱老歌喇...不過就加插咗天才表演同拍賣電視機......天才表演不外乎跳舞同跳舞....重係得兩組咁大把....

lee組攞咗"冠軍"呀.....

唉...今年我哋真係人丁單簿呀...有3個病咗....數埋得5條友去咋....全場有70張枱..得嗰50份獎品....結果又係食白果啦...不過好彩我都抽到個table prize (1 舊水)...重有玩集體性...遊戲嬴咗(5草)....都好過冇啦....

話時話lee排幣公司好似好興派米咁喎...今次就攪咗個"happy ending"...臨走時一人一份罐頭鮑魚同瑤柱,個個去好似啲公公婆婆咁排隊等派米...個場面都幾攪笑~!