尋日下晝又去咗亞美度做facial, 下晝3點幾上到去hea咗陣就開始做facial
, 做到6點幾....亞美就提議一齊去打個邊爐....見橫掂都係咪一齊去開飯囉...(亞美重搵埋另一位客人一齊去, 尋日又確係客似雲來, 都好順便可以搵多個飯腳!)...等埋亞美攪埋啲手尾, 9點到我哋三個就去春夏秋冬打邊爐
....
我都係第一次去咋....間嘢又冇想像中咁舊....亦都冇大佬喺度講數....
我哋叫咗個乜乜班....條魚又確係好新鮮!
重有識彈吓彈吓嘅鮮蝦...真係識郁架....好鬼驚呀!
重有猪肉ball....
.............................
菜同墨魚滑.......啲墨魚滑好彈牙....正!
水餃一大碟.........材料十足架......
lee碟係吊片....都幾好味架.....
重有聖子...都係第一次用聖子打邊爐咋....又幾得喎.....
位位數$140....啲食物又確係幾新鮮....價錢合理! 話時話尋日本應諗住去做個facial啫...點知越攪越多嘢....又睇吓雜誌又睇吓亞美嘅私伙鼠年運程書....連朱古力同糖都撈埋....hea完再打邊爐.....一去就去咗7 粒幾鐘...真係堅!
3條友又食晒上面果堆野！？
回覆刪除[版主回覆01/15/2008 11:03:00]食淨幾粒猪肉ball囉....真係強中自有強中手...原來我係好細食架咋!!!
係咪天后定炮台山嗰間春夏秋冬呀??!!
回覆刪除呢間嘢真係堅喎........ 我地都有去過........ 嗰次嘅"災情"比起你地今次嚟講, 簡直就係天同地比呀~~~~ 超大食啦我地~~
你地有冇試啲特價肥牛呀?? 又平又得架喎~~~
[版主回覆01/16/2008 00:10:00]我哋去咗太子嗰間呀.....哈哈....果然係一山還有一山高....強呀!
嘩!好多正嘢食呀...自從東遊回來後,患重感冒及持續爛咀,下巴勁暗瘡...同事都問我係咪荷爾蒙搞鬼(唔係fa ? 我好後生噃?hahaaa)...好耐無食餐勁啦...阿美好利害...關生和我都唔係佢對手!唔好比佢知我講佢....heee
回覆刪除[版主回覆01/18/2008 14:24:00]冇錯...真係睇佢唔出....原來佢咁有食力!