好慘呀
...今日遇到個古惑嘅騙徒呀....呃咗我一百蚊去買一碗腐竹雞蛋糖水呀....行騙手法同補藥黨一樣! 我lee啲少睇警信嘅亞婆咪受騙囉....冇陰公呀亞婆錢都呃....
事原係咁嘅...話說我今朝做緊嘢嘅時候喺百忙之中抽咗個空出嚟擺番尋晚打邊爐嘅相去share drive....攪掂咪send隻貓比啲同樹叫佢哋睇囉....點知...唉!其中一個email address錯咗(咁我又確係好低能嘅
)...send咗比條九唔搭八嘅茂利...條茂利重周叫人睇相...最變態係又有條友睇完啲相再打比個同樹問佢尋晚打邊爐玩得開唔開心!!lee啲行為確係好冇品呀...下次茂利落call我實hea佢呀(公報私仇lee家嘢係咁架喇)! so bad!!!
就係咁....無啦啦惹起一片民憤....就係咁....尋晚餐飯由$138變咗$188(騙徒就趁lee個機會乘虛而入).....最後重比人強搶咗兩張紅衫魚.......為咗平息民憤唯有放低兩張紅衫魚速逃啦!
正當我以為事件已經平息嘅時候騙徒又再出現...本來$70一個lunch....無啦啦又收咗我一舊水
....嗚嗚嗚嗚嗚!! 最後騙徒就將lee一舊水玩劫貧濟富....叫咗個tea一人一碗糖水!
lee碗腐竹雞蛋糖水成舊水架(原價係$10)...咁大個女都係第一次食成舊水嘅腐竹雞蛋糖水咋
...真係威!!
通緝呀...著綠色外套...藍色牛仔褲嗰位女子就係騙徒喇(哈哈...今次抵比我表啦)..大家見到佢要小心啲!!隨時比佢騙財騙色架.....
呢位咁低能嘅大嬸................ 相信騙徒們應該只係對你啲"財"有興趣啲............. 至於"色"嗰方面, 睇吓有冇辦法............ 不如等下次, 我地盡量幫你"說服"吓啲騙徒們.............. 順便劫埋囉~~~
回覆刪除真係有啲難道架~~~~
[版主回覆01/26/2008 01:25:00]查實...我唔祗冇色...重係冇財架.....下次唔好向我毒手啦....好係死窮鬼嚟架....
雖然唔關我事，但都要搭下訕…
回覆刪除自己send錯email在先...share drive又唔set security，引人犯罪，咁點得架....
我覺得比人騙得少潻呀！
[版主回覆01/26/2008 01:26:00]唉...有得set 食蕉就唔駛咁食蕉啦!!!