澳門水舞間之旅

前兩日同咗位朋友仔去澳門HEA...都一排冇去馬交喇....今次終於去睇水舞間....其實今次真係冇乜行程...主要嘅活動都係HEA同HEA....到步食個LUNCH先....啲食物都幾精緻又幾好味...唔錯!! 一人一個SET至啱我哋呢啲有選擇恐懼証嘅人!

食飽就去酒店CHECK IN喇...今次住GALAXY, 順便去佢個人工沙灘到參觀吓先...嘩....真係....有啲失望呀....原來個沙灘好細吓....呢間嘢用呢樣嘢做賣點真係令人失望!若然夏天嚟嘅話...個沙灘都應該好迫吓....

參觀完酒店繼續出去HEA....都係周圍行又食吓嘢咁....之後番酒店HEA完再去酒店間賭場參觀吓....

第二日CHECK OUT完就去咗新豪天地喇...因為一陣要去睇水舞間呀...唔知食乜好....最後揀咗食FOOD COURT...不過都係食少少嘢咋....想去HIGH TEA 慢慢HEA嘛....

呢度都幾好坐....又可以HEA到夠鐘先去睇水舞間....唔錯唔錯!

又估唔到都好多人睇喎...重以為閒日會少啲人添!! 又比我想像中精彩喎...前一晚瞓得唔好重驚會恰眼瞓添...最後都冇瞓到...証明佢都冇乜悶場!

睇完本來去食晚飯架...不過HIGH完TEA都4點幾....未食得落喎....最後我哋嘅晚餐係....一人有一個葡撻...HAHA! 食飽又要趕船番香港喇...BYE!