到咗第二日...擘大眼又食....喺酒店食個早餐先....雖則選擇唔多...不過味道都ok啦...喺大陸食西式嘢....要求真係不能太高哦!
食飽又要出發喇...我哋呢班無証兒童又要過關去澳門喇....第一站係黑沙海灘...嘩...真係好多年冇嚟呢度....因為呢度真係冇乜嘢攪...不過排骨仔話想到此一遊就即管遊吓啦...其實一場嚟到...我哋都想去法蘭度開飯架...不過真係太多人喇...等佢唔到...唯有番大馬路嗰邊食啦....
本來想去祥記食蝦籽撈麵架...不過....今日係復活假期重要係星期日...真係超超超多人....條隊真係超長...好似唔駛錢咁...唯有放棄去保健食甜品同飽頂住先啦....
諗住食唔到祥記...退而求其次食第二間蝦籽撈麵啦...點知...一樣多人....short架!問題係....間嘢真係麻麻...好q咸...唉!之後又再去合誠隊多碗粥先收手...
食完就去咗MGM 參觀...坐吓hea吓又抖吓....好快又到下一站喇...
下一站就係呢度喇..."禮記"....不過我影呢張相....其實笨唔係想介紹"禮記"架....各位朋友(應該係上一團嘅澳門團友)...大家有冇留意"禮記"隔離嗰間係乜東東呢? 無錯....就係"珠記"...若然我冇老人痴呆記錯嘅話...上次我哋應該係搵極都搵唔到呢間嘢...原來喺呢度....世事就係咁...唔搵就出嚟架喇....真係吹佢唔漲!
禮記啲小炒都唔錯呀....個豉油雞好味呀!
食飽都係7點咋....之後又過番拱北....由於時間尚早大家都唔捨得咁早番歸...一於食埋甜品hea多一輪要打道回府!
沒有留言:
發佈留言