省港澳為食團~dAy1

難得有5日復活假...見冇乜細藝就同咗啲家姐去澳門同珠海玩咗3day....有乜嘢玩?咪就係食同食囉...hehe....我哋搭晨早9點半船...去到澳門要食個早餐先....就近近哋喺馬頭食啦...因為肚鬼上身...掛住食唔記得影相添....查實我都食咗個唔錯嘅豬扒飽架....

之後就要搭車去拱北喇...由於要減低成本...所以我哋兩晚都係住呢度...日日都好似啲水客咁玩過關穿梭澳門同拱北....其實間房都幾大架...不過...我都係得半邊床位架咋....我明明卜咗一間房架喎...典解晚晚到時時侯都有兩隻小魔怪走入我間房話陪我瞓喎....真係多謝哂啦.......

話時話...間房又幾鬼馬...居然有呢啲嘢賣...好在啲小魔怪冇問我呢啲係乜嚟啫!

安頓好又出發去搵食喇....今次去食海鮮...查實我都唔知呢度係邊忽....haha....成條街都係海鮮酒樓...對面就有成條街嘅海鮮檔....我哋喺海鮮檔買完海鮮就拎去酒樓煮.....

你睇...呢度真係有好多海鮮賣架...連沙魚都有....

攪掂...有得食喇....有辣酒煮花螺...椒鹽瀨尿蝦...薄餅...蔥爆蠔...

炒聖子...薑蔥炒蟹...蒜蓉蒸扇貝....蒜子炒龍躉...

食飽就行咗陣街...番酒店抖咗陣又係食嘅時間喇....呢度係酒店樓下嘅大排檔...都幾有風味, 啲家常小炒都唔錯呀.....沙薑雞...生炒骨....炒麵...

重有大大煲嘅咸骨粥...炒菜同魚頭煲...好飽!