港燦塔門之旅

話咁快又過咗4日復活節假期....啦屎一日要玩盡佢....晨早流流起身去塔門一遊!! 其實呢幾日天文台都話落雨...真係驚驚地佢落狗屎架....不過見前兩日都唔係好大雨...博一博照去啦!! 唔掂最多即閃!!

原來鑽石山有巴士去黃石碼頭....車程耐就耐啲....不過一嘢過方便啲所以約埋朋友仔一齊搭巴士去黃石碼頭再搭船入塔門...入到去啱啱lunch time....去食番碟海膽炒飯醫醫肚先...重有咸檸茶....都ok喎!


食飽就起行喇....其實呢條山路舖得好靚架...一啲都唔難行....而且路程好短...所以有好多人一家大細拖埋狗仔一齊行...重有人去影紛紗相添呀....上到山真係好靚架一大片草地....重有海風吹吓....真係超舒服!! 坐坐吓重有久違咗嘅"陽光"添呀....爽!!

行完山hea完就搭船番黃石碼頭....晚餐就去咗牛頭角食蛇羹....好耐冇食喇....好味....超飽呀!!!