OUT爆西餐班(九)

"激"...就係今堂嘅重點....因為....今次係整咖哩雞....真係諗起都辣呀...你知啦....亞祖真係唔多食得辣架嘛!

雞又係一大盤....

你睇...淨係咖哩粉都幾種.....五顏六色咁...幾堅!

不過...又幾似卡樂b薯片味架喎....."卡樂b"起都想食呀....

重要加埋辣椒...荒辣你唔死咁.....炒完再加埋啲咖哩粉....

啲雞醃好就要拎去炒炒佢.....

煮到咁上下加埋啲椰漿...好香呀!

好忙呀....師姐一路炒雞小淫蛙一路煮咖哩...我呢....咪就係做戰地記者...負責影相囉!

真係幾好味...不過...真係太辣, 所以加咗啲醋...不過...仍然係好辣吓....但係又估唔到肥師奶居然食到...重猛話好味....佢....真係好有"食力"囉...haha!

食咖哩又點少得薄餅呢...呢個係要自己整架....當然...亞祖繼續係負責做戰地記者嗰part啦....大家稍安無燥....一陣我都有出場煎啲薄餅架!

係咁...搓呀搓...搓到一舊粉團....擺一陣得佢"發"吓先!

之後再將佢分成細細舊.....

再碌佢幾碌....就可以拎去煎喇!

我都有份煎嘢架.....

呢個薄餅好得...又易整....連二家姐都好喜歡呀!

呢個係八角盤嚟架...可以用嚟送薄餅...不過我掛住食咖哩雞冇試到佢!