好快又到咗第9日喇....一起身又係早餐時間....呢間酒店都有早餐提供架!
都係嗰啲嘢啦......選擇唔多.....
唔好以為呢盤蛋係用嚟裝飾....其實佢哋係食得架....不過就凍哂囉....都好過冇!
食飽早餐又去玩喇....呢個地方都係要搭火車去.....不過廿分鐘就到...好快!
其實我哋今日去嘅地方就係呢度喇.......凱迪(即係卡通片飄零燕嗰個呢)之家......
不過...我哋4條茂利就真係好似凱迪咁...做咗"迷途迷途孤燕..."...鬼咩....佢啲路牌指示真係非常之咁唔清晰....你睇...個牌右左都比佢指匀....邊一個方向先啱呢?! 重要9年先出現另一個路牌.....有啲重擺到鬼鬼鼠鼠咁...真吹啤!
好在周圍都幾靚.......
不過今日真係超超超熱....
搵咗粒幾兩粒鐘.......終於搵到喇!
呢間就係凱迪屋企....確係幾簡陋吓......
其實重有好多地方可以行架....不過...再行上山要成兩粒鐘...我哋當然係唔會行啦!
周圍行吓影吓相就一定架啦.....
呢度乜得都係Heidi乜Heidi物......
到此一遊相又出玩喇....呵呵!
瑞士有好多呢啲水池架...啲水好清涼架.....
呢個係凱迪個friend彼得間屋喇.........
附近重有間精品店...所有嘢都key咗凱迪個頭落去.....好夾硬吓...
其實瑞士版嘅凱迪同我哋睇嗰套卡通片係好唔同架...呢個樣已經係最接近卡通片架喇........................
其實真嘅凱迪係瑞士人嚟架....所以個樣係鬼妹仔咁....都係卡通片嘅凱迪可愛啲!
參觀完又要行番落山喇....慢慢長路....大家應該明白...典解亞祖番到嚟變咗黑人啦!
終於碌倒落山啦...真係要坐低抖抖...又熱又口渴.....
呢度好似都唔錯吖..........................
真係要飲啲嘢先......渴屎人.........
其實熱到都唔係太想食嘢喇.....叫咗兩碟嘢share咋......but個汁好喊呀....
個pizza就一般啦...大大塊荒食你唔飽咁......
食飽又搭番車去庫爾執埋包袱去Luzern(流森)喇....
搭完車就行番酒店拎嘢走啦...行番酒店前又忍唔住隊番杯雪糕嘆吓先....正!
又要拎行李搭火車喇....今次重要轉車添....重要得番4分鐘時間轉車咋....真係恐怕轉唔切呀....不過....大家放心啦....終於...我哋因為一個"意外"而轉得切車嘅....又唔知典解通常呢啲咁騎呢嘅意外都會發生喺亞袓身上!
事原係咁嘅...當我哋4條茂利搭完第一輪火車之後就落車...再禽禽青搵另一個月台轉車啦....典知...要去另一個月台就要行落樓梯再行一小段路...再上另一條樓梯先到....唉!個喼咁Q重...死火啦...不過都冇辦法啦...都要死頂! 就係咁...我哋一人拎住一個大喼諗住用9秒9嘅時間碌落樓梯啦....
救命...真係好重....死頂死頂...唔係喎...乜拎拎吓....個喼輕咗咁多嘅....oh...乜我隻手淨係拎住個喼柄嘅...個喼呢?! oh....原來個喼重急過我...佢...佢....佢竟然玩"喼柄分離"....個喼就係咁自己碌咗落樓梯....唔駛我拎....可能佢重想叫我個朋友仔行快啲...係咁向我個朋友仔嘅方向衝落去!其實個場面都幾驚險架....不過....我...我...我真係認唔住笑到肚痛!
又好難得...個喼碌完落樓梯之後又冇乜異樣....由於時間關係....唔理咁多...繼續趕路啦...最終喺last minute趕到班車! 最後我啲朋友嘅結論係.....好在個喼曉自己行咋...靠我拎一定趕唔切啦....真激死!
個喼柄成個甩咗呀......
喼呀喼....你今次犧牲得好有價值...我會記住你架.....
千辛萬苦終於到流森喇....去酒店check in咗先!
呢度都幾企理吖.........
check in完又去觀光喇......呢個小公園入面有個大石碑架....
就係呢個喇....垂死的獅子.....
附近重有間賣紀念品嘅鋪頭....中國人開架....有中文字添...好親切呀.....
重有教堂.....出面都幾靚呀............
重有著名嘅花橋....條橋加埋四周嘅環境真係好靚.....
岸邊重有好多食肆....對住個湖食嘢幾開心.....
見人哋食得咁開心我哋今晚嘅晚餐就喺度食啦......
頭皮搵間食啦.....................
嘆吓嘢飲先....呢杯啤酒幾好味架....
每餐必備嘅包包..................
幾乎每餐必有嘅沙律.....
嘩...芝士呀.....見到都開心.......
魚一碟.........................
唔知乜嚟...不過都幾好食......
飯一碟......有雞肉添.............
食飽都不忘隊多杯雪糕..............正!
一路行又一路影.....呢度環境都幾c服架.....
重有好多人遊船河架.....
唉...影影吓相.....又有意外喇....今次係部相機呀....唔小心跌咗落地下...真係心都痛埋...好彩冇事啫....唔知做乜....呢日真係好黑.....因為....跟住又發連手錶都冇電! 激死人!
沒有留言:
發佈留言