嗚嗚....嗚嗚...今日要閃喇...先嚟一個最後"早餐"先啦....最後一餐都係冇乜新意!
真係最後一擊喇....下晝兩點就要上機喇....唔可以去得太遠....一場嚟到....都係要嚟一嚟巴黎嘅地標...艾菲爾鐵塔hea一hea.............................
周圍又影吓.....................都唔知乜嚟............
唉....又要飛喇.....我哋要搭地鐵去機場喇.....再見喇巴黎....
搭搭吓地鐵無啦啦有個哥仔行入嚟賣藝拉手風琴......
重個個位都擺低啲嘢等人買...不過真係好少人幫趁!
去到機場又攪退稅又搵地方check in真係超趕...不過個機場真係唔掂....啲指示超唔清晰..地方又大...啲接駁巴士又疏到死...真係唔知想典....好辛苦先上到機咋...上咗機我哋一二三齊齊瞓哂...真係太攰!不過好快又比人嘈醒咗...因為又到食晚飯時間喇!
之後就瞓唔番喇....一秒鐘都冇瞓過....係咁煲電影煲到落機....一煲就煲咗5套戲.......吸血新世紀....葉問.....反轉猪腩是王子.....新娘愛鬧大.....馬利與我.....連星星同學會同埋星期日檔案都撈埋...話時話...套星期日檔案睇唔哂呀....個topic係講異旅通婚架好似幾有趣...好想追埋佢...去youtube搵吓先!
成晚冇瞓...個早餐都冇胃口食......
晨早就到香港喇.....旅程真係就此結束喇...多謝咁多位茂利收看....下次再會!!
沒有留言:
發佈留言