步行籌款@南生圍

今日又同大家姐一家去威喇....話說屋企樓附近嗰間小童群抽會有個步行籌款活動....地點係南生圍喎...家姐又未去過所以又吹雞叫埋我去喇....其實我都好多年冇去喇....舊地重遊都好喎!!

第一站係去元朗舊虛...重以為有好多嘢賣嗰啲舊虛添...原來係入村行一個圈...不過領導亞哥又真係對呢度嘅環境好熟悉...聽吓佢講嘅知識都幾有趣!!

下一站就係南生圍喇..今日真係好多人呀...亦有唔少人喺度踩單車...排咗好耐隊先搭到横水渡...去到HEA一HEA影咗幾張到此一遊嘅相就要走喇....之但係....其實我哋來回都係搭横水渡....究竟何謂"步行籌款"呢?! 連MEME都話..."哎呀!! 我哋冇步行籌款到喎"...HAHA...我真係唔識答囉!!