西貢遊

大陸哩今日又出動喇....由於今日有私務要辨...要去西貢附近一趟....所以辨完要事之後順道鼠咗去西貢...到此一遊...呢啲咁"無聊"嘅遊玩都好耐冇試過喇...hehe....

真係唔知有幾年冇去西貢喇....嗯....其實呢度都冇乜大轉變呀...

碼頭附近仍然好多人....有人搭船,有人放狗,有人買海鮮...啲海鮮又確係幾吸引!

好喜歡喺海邊散步...正!

好多人喺度放狗架....不過我都係鍾意細狗仔....總係覺得佢哋細細隻得意啲呀....呢度重有個"救救小狗"嘅檔口....佢哋收留咗啲被遺棄嘅小狗....希望有多啲熱心人仕領飬佢哋啦....佢哋都好可愛架!

噢...原來呢度逢星期六日都有個市集架....其中有個攤位都頗有趣架....大家有冇諗過...將水、糖、鹽、醋、哥士的、萬年油(即係啲食油已經用嚟炸過幾次嘢)攪埋一齊會變咗啲乜? 比3秒你諗吓......

其實上面幅圖(右下角嗰張)已經講咗答案你知架喇.....答案就係"番梘"...haha.....係咪睇完幅圖都唔知係乜呢!.....其實將啲材料攪完之後都係流質(上圖左下角嗰)嚟架....不過就杰杰哋咁啦...之後重要倒落個模度....等4-5日先可以脫模...最後再將舊番梘封乾兩個月先可以用架...不過...當然啦...佢用啲"萬年油"嚟整....真係用佢唔到啦.....

行完一輪終於可以坐低飲杯嘢....渴屎人喇!