真係估唔到呢盆嘢竟然引起大家一點好奇，真係以為呢樣嘢唔算太特別。其實呢個團購賣咗一輪，買呢個團購嘅主要目的係想學吓栽種知識！係架，雖則幫老豆種咗啲蘭花十幾年，近期又幫同事打理緊幾盆紫羅蘭，之但係我對栽種其實真係一知半解。啲花可以撑到今時今日都係因為佢哋生命力夠強呢！哈哈！
太好喇，原來個ＣＯＵＲＳＥ真係會教一啲基本嘅栽種常識，原來花盆底冇＂窿＂嘅盆係可以放啲石春嘅花盆最底層，上面放一塊網再喺網嘅周圍填滿水苔（用嚟阻隔啲泥跌落石春層，阻礙排水），最後先加泥。ＨＡＨＡ。。我真係連呢啲基本常識都冇呢！
除咗學咗栽種知識之外，呢盆盆栽都係收獲之一呢！
沒有留言:
發佈留言