大東山

 

星期四又清吓假先, 說好的大東山終於成行喇, 今次我哋喺東涌飛的去伯公拗包冇死喇! 終於搵到起點, 其實呢個山都幾甘架...對於我呢啲十年都唔行一次山嘅人嚟講真係見到都驚驚哋, 家因佢上山條路全石級咁滯,啲石級重要好高....真係驚PK! 而且...我哋冇人識路, 我其實勁驚迷路囉(好在佢一條路咋)! 不過中途有行山人話山頂好大霧勸我哋唔好上山, 我哋唯有轉戰爛頭營啦.....可惜呢日天氣真係麻麻(勝在唔熱囉,不過上到山好鬼凍又大霧乜都影唔到!)....去到我哋坐咗陣食咗少少嘢見到啲霧殺到嚟即刻雞咁腳走人...

終於碌到落山喇....落到山諗住搭巴士返東涌,點知巴士架架都客滿飛站,的士又架架都有客,我哋唯有試吓截順風車啦,點知又真係有位好心司機肯車我哋同埋另—pair行山人仕返東涌,非常感激呢位司機叔叔呢,唔係我哋都唔知要食西北風食到幾時！

由於同事話行完山腳仔腳加上又未夠鐘食飯大把時間HEA...最後齊齊去咗足君好齊齊按腳..HAHA...順便接埋肩頸, 超爽呀!