話說幾個月前同跑友約定30K之旅, 嘩!大拿拿30K喎, 開完張空頭支票都驚驚哋呀, 就咁又過咗幾個月喇...我呢最多跑到26K咋....咁30K之旅又幾時先可以完成呢, 唉!呢排重要病鬼埋添!
之但係我未死心架....真係好想喺12月完成呢個宏願, 好想話比自己知我可以完成30K, 更可以完成全馬呢!前幾日見到個GROUP有EVENT跑大棠加南生圍, 去大棠睇紅葉喎,而且個路線又夠30K ! 又唔錯呀, 一於去玩吓啦!
就係咁, 今日我展開咗30K之旅...唔係掛, 落雨.....好凍喎, 重幾大雨添...不過大家都好堅持跑落去!! 好在去到每一個景點都停咗雨, 可以影番幾張相留念! 去完大棠就去南生圍, 唔覺唔覺原來已經廿多K, 喺南生圍食個麵再回程...食飽上路特別有力, 回程都唔覺太攰呢! 跑到最後先發覺原來爭一K先可以夠30K呢, 幸好跑友陪我跑多一K完咗我30K之旅!
沒有留言:
發佈留言