黏土製作の廣東食品第一回

話說之前諗住同小淫蛙佢哋再戰烹飪班架....之但係啲上課時間超唔掂檔....所以放棄咗喇....不過都好...終於有機會報番個紙黏土....其實我想報咗好耐架喇!! (又確係唔知乜解究,  我對各式各樣嘅泥都有性趣玩架喎...連番工嗰陣都鍾意玩鬼食泥嘅!!)

其實呢個course本身好平架咋...不過唔包材料....嘩!!....原來整紙黏土要鬼死咁多工具架...又唔平喎...啲材料重貴過個course呀....真係肉都痛埋!!我已經放棄嗰把六十幾蚊嘅交剪同十九幾蚊嘅白膠漿架喇!

由於第一堂老師有好多嘢要講解....攪到上堂冇時間整...所以要番屋企做功課下堂交...大家又估唔估到我整咗啲乜呢?有白色一粒粒嘅鼻屎....

有咖啡色嘅鼻屎....

橙橙哋嘅一碌棍........

同埋兩條綠綠哋色嘅棒棒......係咪好玄呢? hehe.....已經整到唔似架啦...重要大家估...真係辛苦哂........

呢盒唔知似乜嘅嘢...我足足用咗2粒幾鐘整架(真係參唔多3粒鐘呀...不過..整嗰陣真係唔覺唔覺就玩咗幾粒鐘架)...吓!幾粒耳鼻屎都整咁耐?! 原來紙黏土呢家嘢真係好講耐性同細心架....對我呢啲冇乜性耐又唔多細心嘅真係一大考驗!!

重諗一邊玩紙黏土一邊煲湯....不過玩玩吓爭啲唔記得咗煲湯呀....好在冇乾哂水啫...又幾甜喎好飲呀...............