九龍城海鮮火鍋

今晚約咗幾位朋友仔打邊爐....本來想book小肥牛架...不過遲個幾步...full鬼哂...橫掂都係諗住試吓新嘢...所以就揀咗呢間....嗯....實不相瞞...行入去之前真係有啲想轉軑...望吓間嘢真係冇人幫趁貢...除咗我重有兩位亞叔貢大把....夜晚8點應該係繁忙時間嚟喎!! 都卜咗位就算啦...行去"接代處"同個哥仔講..."唔該...劉小姐五位"....典知...個哥仔通傳咗一聲之後....入面起碼兩三位職員兩眼發光...態度異常殷勤咁問...."你就係劉小姐"....oh...心知不妙兼有啲淆底呢! 斷估呢度都係冇乜幾何有人卜位....我可能係有史以來唯一一個卜位嘅茂利...haha!Anyway坐低等埋啲朋友仔嚟啦!!

坦白講...呢度啲食物都ok啦(but又冇乜嘢好突出)...而且份量少...嗯....都係有掠水之疑! 好啦....先嚟幾碟前菜..............

整個鴛鴦湯底先......

手切肥牛一般啦...重有腐竹...粟米同魚皮餃...

啲蠔確係唔錯...黑柏葉似乎少咗啲....四寶丸都唔錯...重有冬瓜....

重有油麥菜....啲鱔皮真係好少吓...蝦丸唔錯.....什餃有啲都ok

魚腐同牛展都ok..螺皮同墨魚皮就好韌吓.....

以上食物 + 兩jar竹庶水同炸魚皮一碟...大家估唔估到總共幾錢?

答案係: $13XX....似乎有點過份對嗎?!