馬賽克(四)

話咁快就第四堂喇....重以為今堂可以砌完個相架添....典知都係爭一行...睇落進度同上次一樣...其實比上次砌得好咗少少架 (haha...真係睇佢唔出"砌得好咗"係咪)...上次砌得都係唔夠密同埋有啲磚嘅形唔多夾...今次好似好啲(老師都咁講架!)...不過今次顧住夾啲磚形又顧唔到夾色添...要繼續努力! 之但係淨番兩堂咋....睇怕第三件功課都趕唔切砌...想試吓砌花添...盡人屎啦!!

頭先砌嗰陣無啦啦有個位砌極都砌唔到...真係好鬼氣餒....試咗好多塊先攪得佢掂...或者呢個都係馬賽克嘅有趣之處....有啲似玩砌圖...不過冇特定嘅答案...一手一腳設計一幅屬於自己嘅砌圖....有趣有趣!! 嗯....都係嗰句啦....查實做小手作呢家嘢...耐性耐性同耐性真係好重要!! 如果唔係...對住呢堆磚應該係比死更難受...haha!