九龍一日遊

yeah...呢個月真happy....繼續4天工作週...上星期五"又"放假喇! 不過呢日真係忙過番工呀....草草食咗個lunch就約咗兩位朋友仔去億世通掃貨....開倉啲嘢真係幾平...我都買咗少少嘢架...3條友都係買咗貢多咋嘛...hehe....

買咗成堆嘢真係太重....最後放低啲嘢喺個朋友仔屋企先....之後又齊齊落旺角影相...臨近聖誕...好多商場都佈置得好靚架...新世紀就有個"借東西的小矮人"嘅微型展...我啲"黏土偶像"都有作品展出呀...真係嘆為觀止...好勁!

重搭咗啲實景...都好靚架....

影完一輪就再轉戰朗豪坊...有好多Kitty呀...重好靚添...不過就好鬼多人...真係插針都插唔入....迫到屎好鬼難影呀......

其實啲Kitty真係幾靚架...可惜場地太細....迫嚟迫去....好冇隱!!

迫完一大餐就搭巴士去老尖繼續港燦shopping團...今次去咗馬拉松睇波鞋....呢間馬拉松有啲outlet feel啲嘢又幾抵喎...不過由於時間關係....睇完就閃喇...家因約咗啲麵包班同學仔去漢京樓開飯...有素鵝...片皮鴨...素餃....蝦子豆腐...唔知乜嘢蝦...樣樣食物都唔錯...........................

麵包同學貓姐帶咗支酒嚟...真係幾好飲...得!食飽又吔甜品...有雙色糕...呢個都幾好味...不過...糯米糍feel嘅嘢始終都唔係我杯茶.....重有個黃豆糕...第一次食...啲質地同味道都幾特別....重有一堆"運吉"......個款真係唔多吸引...亦唔似好食...最後都係擺番喺度冇郁過囉(得一位壯士試咗一粒咁大把咋)........真係爛到連食開爛嘢嘅亞祖都唔試........真係好爛吓囉!!!!

食飽又係玩交換禮物嘅時間喇....大家覺品覺有啲禮物好似熟口熟面呢? 其實我哋去億世通買嘢嗰陣順便買埋"禮物"囉....hehe...我呢抽到skin food嘅hand cream...呢期咁乾燥真係啱哂!! 亞貓姐真係好喇...送咗一人一支crabtree嘅 hand cream比我哋...多謝哂!!