藝術之旅

"藝術之旅"呢個標題未免有點浮誇...好難諗嘛...是是但但乜都一句啦....haha! 講番正題....其實尋日去咗"賽馬會創意藝術中心"遊咗陣....好有趣嘅一個地方...所以想介紹一吓 (可能大家都已經識...甚至去咗n次...係我呢個大陸哩先至唔識咋)!!!

其實呢度係由石硤尾工廠大廈改建而成...地方都幾大...重有好多嘢睇添...有唔同嘅藝術作品展覽同介紹....好似攝影...陶瓷....琉璃....油畫等等....

除咗有導師講解同示範...重可以試玩...不過尋日"低溫泥"嗰班full咗....唯有轉移陣地去睇琉璃坊啦....導師又示範咗燒玻璃....有趣!其實亞祖對整琉璃擺設都好有性趣架...不過呢度啲course似乎太貴喇....都係玩住cheap cheap工聯會先啦...haha!

之後又參觀咗朋友仔做"配音"工作嘅地方....其實做"配音"一啲都唔容易....咬字清楚固然重要啦...重要有"揀情"...又要對"咀型"...亦要懂得互相合作....有時連對白都要諗埋(真係少啲創作力都唔掂)....確係粒粒(字)皆辛苦!!佩服!!佩服!!!