喇星飯局@芝媽私房菜

蛋咗好耐...終於等到班十月&十二喇星飯喇....星期五嗰晚放咗工就同啲同樹浩浩蕩蕩一齊去觀塘開飯....啱啱好12位一枱人....今次我哋去咗食私房菜....直情包埋個場....可以坐得cc服服喇!

地方唔錯架...最好係可以包場...重有靚女Carol細心嘅招待...真係good呀...

食物方面...好味之餘重好有特式!hehe...撻咗小淫蛙喺fb寫嘅menu...呢碟係醒胃麻辣無骨雞嚟架...有少少辣....好香架...個湯係圓肉嚮螺煲豬腱湯...好清甜唔肥膩..正!

呢個香葱蠔春卷有啲蠔餅feel好特別....蕃茄寶盒呢就更加唔駛講啦...有"蕃茄"呢兩個字已經係我"飛彿"啦....重有雙式雞翼 - 芋絲 / 腐皮...兩隻味都好得!

個馬拉醬炒海蝦真係好香口....真係汁都撈埋....隔離個麻辣一字排真好入味....啲肉夠淋啲豆腐卜又入味...好正! 就係因為佢...我食咗一大碗飯呀....重有個瑤柱西蘭花....呢個津白鮮肉餃都好好味....配啲蔥花同xo醬真係正!

食飽整埋個甜品就真係正....呢個係椰汁粟米西米露...凍凍哋好正!

啲食物係咪好有特色呢...其實價錢都唔貴架....2舊水有找....真係要推介一吓!